د ورځې غوره انځورونه

د هند په کلکته ښار کې یوه ښځه د هغو څراغونو د رنګولو په حال کې چې د دیوالي په نامه د هندوانو په یوه مذهبي جشن کې په معبدونو او کورونو کې ترې کار اخیستل کیږي.

د پاکستان په اسلام آباد ښار کې ماشومان چې په کثافاتو کې خوراکي توکي او نور شیان لتوي. دا ماشوما ن له سهاره تر ماښام کار کوي تر څو خپلو کورنیو ته یوه مړۍ ډوډۍ پیدا کړي.

د عراق د موصل ښار په دیرش کیلومترۍ کې د پیشمرګه قواو یو کاروان چې د جګړې لومړۍ کرښې ته روان دی.

د تایلند په بنکاک ښار کې د یوه ښاري بس مساپر چې د دغه هیواد د پاچا، بهومیبول آدولیادج، د مړینې په غم کې یې تورې او سپینې جامې اغوستې دي.