د لاس رسي وړ اتصالات

افغان، پاکستاني، تاجک او روسي مشران دوشنبې کې راغونډ شوي


افغان، پاکستاني، تاجک او روسي مشران دوشنبې کې راغونډ شوي
افغان، پاکستاني، تاجک او روسي مشران دوشنبې کې راغونډ شوي

د افغانستان ولسمشر حامد کرزی د سیمې د څلورو هیوادونو، افغانستان، پاکستان، تاجکستان او روسیې د مشرانو په غونډه کې د ګډون لپاره نن ماسپښین د تاجکستان پلازمینې دوشنبې ته ولاړ.

په دې غونډه کې چې سبا د جمعې په ورځ کیږی، ولسمشران حامد کرزی، امام علي رحمانوف، دیمتري میدویدوف او اصف علي زرداري، د ترورزم، سخت دریځی، د مخدره موادو د ستونزو او د څلورو ګاونډیو هیوداونو ترمنځ د اړیکو د پیاوړتیا په لارو چارو خبرې کوي.

د غونډې په پای کې به په یو خبري کنفرانس کې ګډه اعلامیه هم خپره شي.

جمهور رئیس حامد کرزي نن دوشنبۍ ته له ورسېدو سم وروسته د تاجکستان له جمهور رئیس سره وکتل.
دواړو مشرانو له تاجکستان څخه افغانستان ته د بریښنا د مزو د غځولو خبر ورکړ او ویې ویل چې ددې پروژې کار د تاجکستان له لورې پای ته رسیدلی او ژر تر ژره به دا پروژه ګټې اخیستو ته چمتو شي.
امام علي رحمانوف همداشان د اورګاډي هغه پروژه چې له چین څخه تاجکستان او بیا افغانستان ته غزیږي خورا مهمه وګڼله او له هغې څخه یې خپل ملاتړ څرګند کړ.
د تاجکستان ولسمشر همداشان وویل ډیر ژر به د تاجکستان او افغانستان ترمنځ د پنځم ارتباطي پل کار پیل شي چې نه یوازې به اقتصادي او ترانسپورتي ګټې ولري بلکې د زده کړو او تحصیل په چارو کې به محصلینو ته هم اسانتیاوی رامنځ ته کړي.

XS
SM
MD
LG