د لاس رسي وړ اتصالات

اماراتو کې د ډرون تفریحي الوتکې بندې شوې ‍


د عربي متحده اماراتو د کورنیو چارو وزارت ویلي که څوک د دې الوتکو په استعمال ونیول شي، قانوني سزا ورکول کیږي.

وروسته تر هغه چې په یمن کې حوثي شعیه یاغیانو چې ایران یې تر شا ولاړ دی ادعا وکړله چې په عربي متحده د بریدونو لپاره یې د بې پیلوټه یا ډرون الوتکو نه کار اخیستی، پدې هیواد کې د دا ډول په ټولي تفریحي الوتکو بندیز ولګید.

سره لدې چې د اماراتو د کورنیو چارو وزارت ویلي هغوي چې غواړي د کاروبار لپاره د دې الوتکو څخه کار واخلي ښایي اجازه ورکړي خو په اعلامیې کې یې ویلي چې د سر د شنبې د ورځې جنوري ۲۲ که څوک ددې الوتکو په استعمال ونیول شي، قانوني سزا ورکول کیږي.

حوثي یاغیانو په یو نادره برید کې تیره اوونۍ ادعا وکړله چې د عربي متحده اماراتو په مرکز ابوظبي کې یې د تیلو په یوې تصفیه خانې او د دې ښار په نړیوال هوایي ډګر د بې پیلوته الوتکو او توغندیو برید کړی.

په برید کې لږ تر لږه ۳ تنه ووژل شول او ګڼ شمیر د تیلو ټانکرونه پکې تبا شول.

اماراتو ویلي و حوثي یاغیانو پدې هیواد کروز او بالاستیک توغندي وار کړي او ځینۍ ګولۍ په هوا کې شنډې شوې.


د حوثي یاغیانو د برید ځواب کې د سعودي عربستان په مشرۍ ائتلافي ځواکونو په یمن کې د دې یاغې ډلې په مرکزونو هوایي بریدونه ډیر کړل.

سره لدې چې اماراتو د یمن نه خپل ډیری پلي سرتیري را ایستلي خو لا هم د هغو ملیشو ملاتړ کوي چې د حوثیانو پر ضد جنګیږي او په ائتلافي ځواکونو کې مهم نقش لري.
حوثي یاغیانو د برید کولو نه وروسته خبرداری ورکړی و چې په عربي متحده اماراتو به نور بریدونه هم وکړي.

د حوثیانو یو ویاند ویلي و دا بریدونه یې د سعودي عربستان په مشرۍ په ائتلافي ځواکونو کې د عربي متحده اماراتو د نقش په خاطر کړي چې تیره اوونۍ یې پدې یاغي ډلې تعرضي عملیات کړي و.


XS
SM
MD
LG