سپینه ماڼۍ او کانګرس د حکومتي ادارو د یوې بلې ممکنه کاربندۍ د مخنيوي لپاره خبرې اترې پیل کړي دي.
د استازو او د سنا د مجلسونو د وکیلانو یوه ډله پر یوې مصلحتي طرحې کار کوي چېپر اساس یې د سرحدونو د امنیت لپاره بودیجه منظوره او د فبرورۍ په میاشت کې بیا د کاربندۍ مخه ونیول شي.
دغه مذاکرات به د فبرورۍ تر ۱۵ نېټې دوام وکړي.
ولسمشر ټرمپ د تېرې جمعې په ورځ د حکومتي ادارو د خلاصېدو امر وکړ او ویې ویل چې په کانګرس کې یې د دیموکرات ګوند له مشرانو د سرحدونو د امنیت پر سر "موافقه" کړې ده.