د متحدو ایالتونو په شمال- لویدیځ کې د واشنګټن پولیس وايي د ارلینګټن په سیمه کې د سوداګرۍ په یو لوی مارکیټ کې د برید تلفات پنځو کسانو ته ورسېدل.
برید د جمعې په ورځ ناوختهد میسي په نامه یو مارکیټ کې دننه وشو. په وژل شویو کسانو کې یې څلور ښځې او یو سړی شامل دي.
د واشنګټن ایالت یو پولیس چارواکي، مارک فرانسیس وویل چې بریدګر په تېښته دی او په ورستي ځل د برلینګټن په کاسکډي سیمه کې لیدل شوی دی، خو پولیس ورپسې دي.
چارواکو په ټولینزو رسنیو کې د یو کس تصویر خپور کړی، چې شک کیږي بریدګر به وي.
ښاغلي فرانیسیس وویل چې شاید بریدګر هسپانوي امریکايي وي او تور کمیس یې پر تن دی.
تراوسه لا د برید اصلي انګیزه معلومه نه ده، خو پولیس وايي چې په دې اړه به ورسته پلټنې هم کوي.
