ملګري ملتونه وايي د افغانستان او سوریې په ګډون په یو شمېر هېوادونو کې روانو جنګونو د بې ځای شویو خلکو او کډوالو شمېر ۶۵.۳ میلیونو ته رسولی دی. دا د ۲۰۱۵ کال ترپایه پورې ثبت شوې شمېره ده. په ۲۰۱۴ کال کې د کډوالو شمېر ۶۰ میلیونه ته رسېدلی و، چې له دویم نړیوال جنګ وروسته یو ریګارډ وبلل شو.
د پناهغوښتونکو نړیواله ورځ په انځورونو کې
۵
د افغانستان د ګډوالو او راستنیدونکو چارو وزیر، سید حسین عالمی بلخی، د پناهغوښتونکو په نړیواله ورځ په کابل کې و ویل، د کال په لومړنیو میاشتو کې لسهاو زره کورنۍ له خپل کور کلي بې ځایه شوي دي.
۶
د افغانستان د ګډوالو او راستنیدونکو چارو وزیر وایي، اوس مهال په افغانستان کې ۱۵۰ زره ۶۱۲ کورنۍ چې ټول ۹۰۰ زره کسان کیږي بیځایه شوي دي او مرستو ته اړتیا لري.
۷
په جنوب کې د بشري حقونو د خپلواک کمیسیون د سیمه ییز دفتر یو چارواکي عبدالعزیزاکرمي امریکاغږ اشنا ته وويل "په حدود د دوه لکو داخلي بېځایه شوي لرو، چې ښارونو ته راغلي چې د اوبو مشکل لري، د سرپنا مشکل لري او د کار مشکل لري."
۸
په جنوب کې د بشري حقونو د خپلواک کمیسیون د سیمه ییز دفتر یو چارواکي وایی چې په جنوبي په ولایتونو کې ډېر بې ځایه شوې د هلمند دي، چې شمېر یې ۱۴۰ ته رسیږي، خو په نورو ولایتونو کې لسګونه زره خلک بې ځایه شوي دي.