د اروپايي اتحاد مشرانو پر دې باندي موافقه حاصله کړې چې د خپل دایمي بودیجې نه به ددغه اتحاد د هغو بانکونو سره مرسته وکړي چې د مالي ستونزو سره مخامخ دي او په راتلونکي کې به یو کلک اوږدمهاله سیاسي اتحاد رامنځ ته کړي چې په کښي د بودیجې مسلې ته کافي پاملرنه شوې وي.
د مصر ولسمشر محمد مورسی به سبا د شنبې په ورځ ددغه هیواد د اساسي قانون په محکمې کې د لوړې مراسم اجرا کړي چې داسي ښکاري د قدرت د سپارښت په برخه کې د هیواد د نظامي شورا د غوښتنو سره موافق دی.
نن د استرالیا پارلمان پر یوی حساسی موضؤع باندی د پریکړی دپاره د احساساتو نه ډک شپږ ساعته تود بحث و کړ. د بحث موضؤع دا وه چی ایا د دوي هیواد دي هغو سیاسي پناه غوښتونکو ته چې په بیړیو کې پر ځان باندې د گواښونو په منلو استرالیا ته ځان ورسوي سیاسي پناه ورکړي او که نه.
د مصر نوي ټاکل شوي ولسمشر محمد مورسي د خپل نوي حکومت تشکیل پیل کړی دی او ژمنه یې کړې چې په حکومت به ټولو ته برخه ورکړي. د پرون ورځې د اعلان وروسته چې په لړ کې یې هغه د پخواني صدراعظم احمد شفیق په مقابل کې بریالی اعلان شو، محمد مورسي اوس خپل د ملکي ادارې پر جورښت باندي تمرکز کوي چې په کښي د هغه مرستیالان هم شامل دي.
شمالي کوریا د امریکا او جنوبي کوریا د ګډو تمرینانو له کبله سخت غبرګون ښودلی دی او په تمریناتو کې یې د یوه هدف په توګه دخپل ملي بیرغ استفاده غندلې ده. دغه مشترک تمرینات د جمعې په ورځ ترسره شول.
د ایخوان المسلمین ګوند کاندید محمد مورسي د مصر د ولسمشرۍ په دویم ځل انتخاباتو کې بریالی اعلان شو. د تحریر په څلور کې د محمد مورسي پلویان راغونډ شوي وو او د هغه د بریالیتوب په مناسبت یې خوشحالۍ کولې. خلګو د حسن مبارک د رژیم د راپرځیدو یو نیم کال وروسته د یو بدلون لمانځنه کوله.
د اسرایلو پولیسو په پایتخت تل ابیب کې ۸۵ مظاهره کونکي چې د ټولنیزو اصلاحاتو او ارزانه کورونو غوښتنه یې کوله نیولي دي. چارواکي وايي چې مظاهره کونکو د شنبې په ورځ ناوخته د پولیسو سره نښتې وکړې، بانکونه یې ویجاړ کړل او سړکونه یې بندل کړل.
د شنبې په ورځ د ترکیې ولسمشر عبدالله ګل وویل چې جیټ الوتکه یې د سوریې قلمر ته یو څه ورننوتلې وه خو نوموړي وویل چې دا عادي خبره ده چې جیټ الوتکې په هغه سرعت چي لري تر یوه حده پردي قلمرو ته ننوځي.
ترکیې ژمنه کړیده چې د سوریې ددې اعتراف ځواب به ورکړي چې وایی د ترکیې د هوایی قوې جټ الوتکه یې چې د سوریې هوایي قلمرو ته ننوتې وه، غورځولی ده.
د مصر لیبرال ګوندونه وایي چې امریکا کوښښ کوي چې د حسنې مبارک د واکمنۍ نه وروسته د لومړنیو انتخاباتو په نتیجو کې لاس وهنه وکړي. هغوي د واشنګټن نه غوښتلي دي چې دا کار دې بند کړي.
د مصر حاکمې نظامي شورا نن د جمعې په ورځ ددغه هېواد د جمهوري ریاست پر کاندیدانو تور ولګوی چې مخکي د مخکي یې د بریالیتوب اعلانونه وکړل او په دغه هېواد کې یې اندېښنو ته لمن ووهله.
د سوریې یاغیان چی د جمهوررئیس بشار اسد د راپرځولو هلي ځلي کوي، شاید چې له امریکا نه به یو څه مرستي ترلاسه کوي.
نور پورته کول
