په ۲۰۱۷ کال کې د نړیوالو هدفونو اونۍ هغه مشترکه هڅه ده چې په نیویارک کې د ملګروملتونو د دوه اویاېمې کلنۍ غوڼډې په ترڅ کې به کوښښ کیږي تر څو هر مجلس په ښه توګه سرته ورسيږي او ټوله پاملرنه د هغو پرمختګونو د لاسته راوړنو لپاره متمرکزه شي چې د پایداره پرمختیايي هدفونو په خاطر پلان شوي دي. دغه پرمختیايي هدفونه د نړیوالو هدفونو په نوم هم یادیږي.
د نړیوالو هدفونو اونۍ په اصل کې د ۲۰۱۶ میلادي کال په سیپتمبر میاشت کې په همدې نړیوالې پروژې کې د همکارو هیوادونو لخوا مشخصه شوه چې د ملګروملتونو پراختیايي پروګرام (یو.ان.ډي.پي) او د ملګروملتونو بنسټ يي هم غړیتوب لري.
د ملګروملتونو په اجنډا کې ۱۷ هدفونه شامل دي:
۱. بی وزلي باید نه وي
۲. لوږه باید ختمه شي
۳. ښه صحت او ښه اوسیدل
۴. با کیفیته تعلیم
۵. د جنډر (جنسیت) مساوات
۶. پاکو اوبو ته لاس رسی ـ حفظ او مراقبت
۷. پاکې انرژ ته لاسرسی
۸. معیاري کار او اقتصادي وده
۹. صنعت، نوښت او بنسټ جوړونه
۱۰. د غیرمتوازنه حالت کمول
۱۱. پایداره ښارونه او ناحیې
۱۲. با مسؤلیته مصرف او تولیدات
۱۳. د اقلیمي بدلون په وړاندې مبارزه
۱۴. د اوبو د سطحې لوړیدو مخنیوی
۱۵. په وچه کې د ژوند بقا
۱۶. سوله، عدالت او پیاوړي بنسټونه
۱۷. د هدفونو لپاره ګډه همکاري
