په کابل کې د هند سفیر وینې کمار وایې چې د افغانستان ولسمشر د سولې لپاره د انس حقاني په شمول د دریو طالب بندیانو د آزادولو فیصله وکړه.
کمار له امریکا غږ سره په یوې ځانګړې مرکې کې له طالبانو وغوښتل چې د ولسمشر محمد اشرف غني اعلان ته مثبت ځواب ووایې او د "سولې، امنیت او ثبات" لپاره ګام واخلي.
د افغانستان حکومت تېره اونۍ اعلان وکړ چې د انس حقاني د شبکې د مهم غړي انس حقاني په شمول درې طالب زندانیان خوشې کوي.
تمه دا وه چې ددغو کسانو په بدل کې به طالبان د امریکايي پوهنتون دوه استادان آزاد کړي.
د ولسمشر غني ویاند صدیق صدیقي وروسته اعلان وکړ چې تبادله ځنډېدلې ده او انس حقاني، مالي خان او حافظ رشید لاهم د حکومت سره بندیان دي.
د هند سفیر وایې چې په افغانستان کې ترهګري د بېلابېلو موخو لپاره کارول کېږي او د ترهګریزو اعمالو پر وړاندې باید هېڅ زغم نه وي.
د سفیر ویني کمار بشپړه مرکه دلته وګورئ او واورئ.
