د لاس رسي وړ اتصالات

کرزی پاکستان سره استخباراتي پوهاولیک د شرم وړ بولي


ښاغلی کرزی وایي حکومت یې هیڅکله داسې یو سند له پاکستان سره نه دی لاس لیک کړی.
ښاغلی کرزی وایي حکومت یې هیڅکله داسې یو سند له پاکستان سره نه دی لاس لیک کړی.

د افغانستان پخواني ولسمشر د افغانستان او پاکستان ترمنځ استخباراتي تفاهمنامه د خجالت وړ وبلله. هغه وویل چې ددې سند د لاس لیک کولو سخت مخالف دی او د هغه په وینا باید رامنځ ته شوی تفاهم ژر تر ژره لغوه شي.

ښاغلی کرزی د امریکا غږ د آشنا تلویزیون سره په ځانگړې مرکه کې وویل چې د پاکستان په هکله د ملي وحدت د حکومت سیاست سم نه دی. هغه زیاته کړه چې د افغانستان د ملي امنیت د ریاست او د پاکستان د پوځي استخباراتي ادارې ترمنځ استخباراتي تفاهم د افغانانو د "ملي گټو په ضد" او په افغانستان کې د "اختناق" سند دی.

د افغانستان حکومت د پاکستان سره د استخباراتي سند د لاس لیک کولو وروسته وویل چې داسې یو سند په تیرو کلونو کې هم د پاکستان سره لاس لیک شوی و، خو ښاغلی کرزی وایي حکومت یې هیڅکله داسې یو سند له پاکستان سره نه دی لاس لیک کړی.

د افغانستان پخواني ولسمشر وویل چې هیڅکله هم د سیاسي اپوزیسیون د جوړولو په لټه کې نه دی او یواځې د مهمو ملي موضوعگانو په هکله به خپل غږ اوچت کړي. هغه زیاته کړه چې په راتلونکې کې به یواځې د افغانستان د متقاعد جمهور رئیس په توگه پاته شي او د هیڅ څوکۍ او مقام سره مینه نه لري.

حامد کرزی وایي چې د پاکستان او امریکا سره د اړیکو په اساس پوه شو چې دغه هیوادونه غواړي په چل ول سره پاکستان د افغانستان پر مقدراتو واکمن کړي. هغه زیاته کړه چې په دې خاطر د کابل او واشنگټن ترمنځ د امنیتي موافقنامې لاس لیک کولو ته حاضر نه شو.

ښاغلي کرزي وویل چې د افغانستان د سولې لپاره د هر ډول "واقعي کوشش" پلوي کوي. ښاغلي کرزي هیله څرگنده کړه چې د سولې د ټینگښت لپاره د ملي وحدت د حکومت هڅې ځای ونیسي.

د پخواني ولسمشر حامد کرزي سره د آشنا تلویزیون ځانگړې مرکه
please wait

No media source currently available

0:00 0:11:32 0:00

XS
SM
MD
LG