د هغه په اند د مخالفینو یوه ډله سخت دریځ دي چې شمیر یې ډیر کم دی او په بله ډله کې هغه خلک شامل دي چې د قبیلوي ستونزو، جگړو او یا د بهرنیانو د بریدونو له امله له حکومت څخه خپه شوي دي.
هغه د یوې پوښتنې په ځواب کې چې د افغانستان د سولې کلي د پاکستان او امریکا په لاس کې ده وویل:
« پاکستان د افغانستان په سوله کې ځکه غوره رول لوبولی شي چې د افغانستان د حکومت مخالفینو په هغه هیواد کی پناه اخیستی ده او هغوی ته پټ ځایونه او د فعالیت فرصتونه برابر شوي دي.»
ښاغلی وردگ دا هم وایي چې د امریکا متحده ایالات هم کولای شي د ستر نړیوال ځواک په توگه د سیمې او نړۍ له هیوادونو سره د سولې په راوستلو کې گټور رول ولوبوي.
د کارتجربه: د اسلامي حزب د سياسي کمیټې رئیس او
د صدرارت په وخت د حکمتیار مرستیال
مرستیالان: عنایت الله عنایت او محمدعلي نبي زاده
د جمهوري ریاست دې کاندید ښاغلي وردگ د جمهوري ریاست د کمپاین د نورو سیالانو په هکله وویل چې اکثر یې نژدې ملگري او دوستان دي، د هغوی تر منځ توپیر نه کوي نو په همدې خاطر ممکن له هیڅ یو څخه به هم ملاتړ ونه کړي او خپلې مبارزې ته به دوام ورکړي.
