تاجکستان له افغانستان څخه غوښتي چې په سرحدي سیمو کې دې امنیت ټېنګ کړي.
تاجکستان دا غوښتنه د افغانستان د ملي یوالي د حکومت د اجرايي ریس عبدالله عبدالله په مشرۍ، پلازمېنې دوشنبې ته له ورغلي پلاوي سره په خبرو کې کړې ده.
د پلاوي یو غړي مزمل شینواري د امریکا غږ اشنا راډیو ته وویل چې تاجکتستان اندېښنه لري هسې نه د افغانستان په سرحدي سیمو کې روانې نا امنۍ تاجکستان ته مخه کړي.
ښاغلي شینواري وویل چې دواړه خواوو همدغه راز د انرژۍ د یوې سترې پروژې کاسا۱۰۰۰ په اړه هم خبرې وکړې.
کاسا۱۰۰۰ د برېښنا هغه پروژه ده چې په پلې کېدو سره به یې د افغانستان له لارې پاکستان ته ۱۰۰۰ او افغانستان ته ۳۰۰ میګاواټه برېښنا ولېږدول شي.
د افغانستان د سوداګرۍ وزارت معین مزمل شینواري د امریکا غږ خبریالې نوشابه اشنا ته په مرکې کې وویل چې دغه پروژه به په راتلوونکو شاوخوا دوو میاشتو کې پیل شي.
Your browser doesn’t support HTML5
له مزمل شینواري سره د نوشابې اشنا مرکه دلته واورﺉ