سپینې ماڼۍ د سي این این په یو خبریال د ولسمشر ټرمپ سره د بحث کولو له کبله بندیز لگولې دی
په امریکا کې د منځمهاله ټاکنو نه وروسته ولسمشر ټرمپ یوې مطبوعاتي غونډې ته وینا کوله. دغه مهال د سي این این یو خبریال جم اکوسټا د ولسمشر ټرمپ سره د سوال ځواب په موخه تود بحث وکړ چې په نتیجه کې یې سپینې ماڼۍ د جم اکوسټا په داخلې بندیز ولگاوه.
د سي این این خبریال اکوسټا په خپل ټویټر لیکلې دي چې هغه سپینې ماڼۍ ته روان و نو د سري خدماتو یو کارکونکي هغه ته د دننه کیدو اجازه ور نکړه.
The US Secret Service just asked for my credential to enter the WH. As I told the officer, I don’t blame him. I know he’s just doing his job. (Sorry this video is not rightside up) pic.twitter.com/juQeuj3B9R
— Jim Acosta (@Acosta) November 8, 2018
د سپینې ماڼۍ ویاندې ساره سینډرز د دغې پیښې نه وروسته یوه اعلامیه خپره کړې وه چې د اکوسټا اجازه نامه یې فسخه کړېده ځکه چې د سه شنبې په ورځ د مطبوعاتي غونډې په مهال هغه د مایکروفون د ځان سره د ساتلو کوښښ کړی و.
We stand by our decision to revoke this individual’s hard pass. We will not tolerate the inappropriate behavior clearly documented in this video. pic.twitter.com/T8X1Ng912y
— Sarah Sanders (@PressSec) November 8, 2018
پدغه اعلامیه کې دا هم ویل شویدي چې کله د سپینې ماڼۍ یوې کارکونکې د هغه نه د مایکروفون اخیستلو کوښښ وکړ نو هغه یې لاس اخوا کړ.
سي این این وایي چې اکوسټا یې لدې کبله سپینې ماڼۍ ته بند کړیدی چې هغه د ولسمشر ټرمپ نه سخت سوال کړی و.
Tonight the White House revoked @Acosta’s press pass. CNN’s response to @PressSec and @realDonaldTrump: pic.twitter.com/EY2iFLvP3P
— CNN Communications (@CNNPR) November 8, 2018
سي این این په خپل خپور شوې بیان کې په ساره سینډرز تور لگولی دی چې "دروغ یې ویلي دي"
سي این این دا یوه داسې پیښه بللې ده چې په تاریخ کې یې سارې نه لیدل کیږي او وایې چې دا دیموکراسي په خطر کې اچوي.
اکوسټا د چارشنبې په ورځ په سي این این وویل چې هغه دا فکر هم نه و کړی چې لدې کبله به پرې سپینې ماڼۍ ته په داخلې بندیز ولگول شي چې د ولسمشر نه یې د سوال پوښتلو کوښښ وکړ.