په پاکستان کې چارواکي وايي په لاهور کې د کلیساوو مخې ته دوه غبرګي ځانمرګي بریدونه شوي دي، لږ تر لږه ۱۴ تنه وژل شوي او شاوخوا ۷۰ نور ژوبل دي.
ډاکټران وايي چې په ژوبلو شویو کسانو کې د ۳۰ کسانو حالت خراب دی.
عیني شاهدان وايي دوو وسله والو د یکشنبې په ورځ کلیسا ته پر روانو عبادت کوونکو ډزې پیل کړې او کله چې امنیتي ځواکونو د برید ګرو د مخنیوي هڅه وکړه، هغوی هم په ځان پورې تړلي چاودېدونکي توکي وچول.
د ژغورنې د ډلې ویاند سجاد حسین رویټرز خبري اژانس ته ویلي چې ښايي مرګ ژوبله نوره هم زیاته وي.
چارواکي واکي د پاکستاني طالبانو یوې ډلې جماعت الاحرار د دغه برید مسولیت په غاړه اخیستی دی.
له برید لږ وروسته یو شمېر مسیحیان سړکونو ته را ووتل او چارواکي یې تورن کړل چې د دوی په خوندیتوب کې پاتې راغلي دي.