د لاس رسي وړ اتصالات

ټرمپ: د اسرائیلو او فلسطینیانو ترمنځ د سولې کولو ته متعهد یم


بنیامن نتنیاهم ـ ډونالډ ټرمپ ـ محمود عباس

د امریکا جمهور رئیس ډونالډ ټرمپ د فلسطین د خپلواکې ادارې له مشر محمود عباس سره په لیدنه کې ویلي چې اداره به یې د اسرائیلو او فلسطینیانو ترمنځ د سولې لپاره زیات کوښښ وکړي.

د متحدو ایالتونو جمهور رئیس ډانلډ ټرمپ د سه شنبی په ورځ (می ۲۳) د فلسطین د سولی د بهیر د بیا نوي کولو لپاره غږ وکړ. هغه وویل چې دی نیت لري په خپله وسه کې له هرڅه نه کار واخلي چی د فلس‍ْطین او اسرائیل سوله منځته راولي. جمهور رئیس ټرمپ دا خبرې په بیت الحم کې د محمود عباس سره په ېو خبرې کنفرانس کې وکړې.

محمودعباس په بیت الحم کې جمهور رئیس ټرمپ ته د ورتلو بلنه ورکړې وه
محمودعباس په بیت الحم کې جمهور رئیس ټرمپ ته د ورتلو بلنه ورکړې وه

د فلسطین مشرمحمود عباس داسی لیوالتیا څرگنده کړله چی دېته چمتو دی د جمهور رئیس ټرمپ سره په منځني ختیځ کې د سولې لپاره کار وکړي او د فلس‍طین دولت په هغو سیمو کې تاسیس کړي چی اسرائیلو نیمه پیړۍ پخوا نیولې دي. محمود عباس وویل "زموږ اساسي مشکل د اشغال او د ښارگوټو له جوړولوسره دی. اسرائیل پدې کې ناکامه شوی چې د فلسطين دولت په هغه بڼه وپیژني چی موږ پیژندلی دی. همدغه کار ددوه دولتونو د منځته راوستلو د حل لارې ته تاوان رسوي. دا مشکل زموږ او د یهودیت ترمنځ ندی، بلکه زموږ او داشغال ترمنځ دی. موږ د یهودو دین ته احترام لرو."

محمدو عباس جمهور رئیس ټرمپ ته وویل دا يي هیله ده چې په تاریخ کې ولیکل شي چی د متحدو ایالتونو جمهور رئیس ډانلډ ټرمپ د فلس‍طين او اسرائیل ترمنځ سوله منځته راوستله.

ښاغلي ټرمپ وویل چې عباس او بنیامین نتنیاهو دواړو ډاډ ورکړې چی چمتو دي د سولی لپاره په ښه نیت کار وکړي. جمهور رئیس ټرمپ د فلسطینیانو او محمود عباس نه مننه وکړه چې بیت الحم کې يي میلمه کړ او دا کار يي ځانته یو لوی درناوی وګڼو. ټرمپ وویل د بیت الحم ښار د نړۍ د ټولو خلکو لپاره د قدر وړ ښار دی.

ښاغلي ټرمپ وویل "ما له محمود عباس سره په واشنگټن کې هم ددې میاشتې په اولو ورځو کې په دې خبره بحث وکړ د اسراییل او فلسطین ترمنځ د سولی په موافقه کار کولو ته متعهد یم او دا نیت لرم چی په خپله وسه کې له هغو کسانو سره مرسته وکړم چی دا مقصد لاسته راولي."

د منځني ختیځ په اړه د جمهور رئیس ټرمپ تعهدات
please wait

No media source currently available

0:00 0:02:30 0:00

ولسمشر ټرمپ له محمود عباس نه مننه وکړه چی په هغه سرمشریزه کې ېې برخه واخیستله او دیته متعهد دی چې د ترهگرۍ خلاف جگړه کې کوټلي او ضروري گامونه پورته کړي.

XS
SM
MD
LG