جیم متیس په دوحه کې د العدید هوايي آډه کې د قطر د امیر او دفاع وزیر سره ولیدل. د امریکا د دفاع وزیر دا لیدنه په داسی وخت کې وشوه چې د امریکا جمهور رئيس ډونالدټرمپ د همدې میلادي میاشتې په سر کې وویل دیته تیار دی چې د قطر او د خلیج د هیوادونو ترمنځ د څو میاشتنې جنجال حل کولو لپاره منځګړیتوب وکړي.
جیم ماتیس د افغانستان د مشرتابه سره د لیدنې ترڅنګ په سیمه کې د نورو هیوادونو نه هم لیدنه کړې ده.
ښاغلي متیس د ملګروملتونو په عمومي غوڼډه کې هم د څلورو عرب هیوادونو وغوښتل چې بی له شرط او قیده خپل منځي اختلافات پای ته ورسوي.
سعودي عربستان، مصر، بحرین او د عرب متحده اماراتو د تیرې جون میاشت کې د قطر سره پدې خاطر اړیکې قطع کړې چې د ایران سره يي روابط ټينګ کړي او د سخت دریځو ملاتړ کوي. قطر دا تورونه رد کړي چې د سخت دریځ ملاتړ يي کړې او وایي د قطر په وړاندې اقدامات سیاسي انګیزې لري.
