د لاس رسي وړ اتصالات

د سپین بولدک په امنیه قوماندانۍ ډله ايز ځانمرګي بریدونه شوي


د سپین بولدک د پولیسو یوه تاڼه

په کندهار کې چارواکي وایي ډیورېنډ کرښې ته نژدې د سپين په بولدګ ولسوالۍ په امنیې قومندانۍ باندې ‌ډله ایز ځانمرګي بریدونه شوي دي.

د کندهار د امنیه قوماندانۍ ویاند ضیا دراني د امریکا غږ ته ویلي چې ځانمرگو بریدگرو د سپین بولدک د امنیه قوماندانۍ په وردوي دروازې کې برید کړی دی.

د ښاغلي دراني په وینا جگړه پای ته رسیدلې خو پولیس لا هم په تصفیوي عملیاتو بوخت دي.

د امنیه قوماندانۍ یو منصبدار د نوم د نه اخیستلو په شرط امریکا غږ ته ویلي چې بریدگر څلور تنه وو او په جگړه شپږ افغان پولیس وژل شوي دي.

د سپین بولدک ولسوالۍ د امنیه قومانداني د ډیورند کرښې په څلور کیلو میترۍ کې ده.

له بلې خو طالبانو ددې برید مسؤلیت منلی او رسنیو ته یې په یو استول شوي پیغام کې ویلي چې د دوی وسله والو کسانو په داسې حال کې چې پوځي یونفورم یې اغوستی و، د بولدک پر امنیه قوماندانۍ برید کړی او په لسگونو افغان پولیس یې وژل شوي دي.

  • 16x9 Image

    عزیزالله پوپل

    عزیزالله پوپل په جنوبي ولایتونو کې د امریکا غږ اشنا راډیو د پښتو خبریال دی. له امریکا غږ سره د کار له مخه یې په سیمه کې له ملي راډیو او ټلویزیون، روز خبري اژانس، هیواد ټلویزیون او افغان ازاد راډیو سره د خبریال په حیث کار کړی، او د کندهار په پوهنتون کې یې د ادبیاتو زده کړې ترسره کړې دي

XS
SM
MD
LG