د پاکستان مقامات وایی پوځیانو یې د هیواد په شمال لوېدیځه صوبه کی د افغانستان سرحد ته نیژدې لږترلږه پنځه ویشت تنه توندروان وژلي دی.
یو پوځی نطاق تورن جنرال وحید ارشد وایی دغه نښتی د سه شنبې په ورځ وروسته له هغه پېښی سوې چی د جنوبی وزیریستان په علاقه کی څلور تنه ملېشه وتښتول سول.
د پاکستان حکومت مخکی په جنوبی وزیریستان کی د توندروانو پرمشر بیت الله محسود باندی د مخالفی مشری بېنظیربوټو د قتل پړه اچولې وه.
محسود د تېری هفتې په هغه حمله کی پر لاس لرلو منکر سو. د پاکستان پوځیان د افغانستان پرسرحد باندی د توندورانو سره په سختو جگړو لیگا دي.