د پاکستان د کراچی په ښار کی د سختو موسمي بارانونو له امله ١٦ تنه مړه شوی او په ټول ښار کی د بریښنا جریان گډوډ شوی دی.
دغه مونسونی بارانونه د شنبی په ورځ پیل شول او په ډیرو ځایونو کی سیلاونه راغلی دی.
چارواکی وایی چی ځینی خلک په اوبو کی غرق شوی ،ځینی د برښنا د ټکان له امله وژل شوی او په ځینو باندی کورونه نړیدلی دی.
د دغه باران له امله چی اندازه یی١٥ سانتی متره وه ، په سل گونو کورونه ونړیدل او د ټول ښار د برښنا مزی په مځکه رالویدلی وو .
پاکستانی چارواکی هڅه کوی چی د برښنا جریان بیرته جاری کړی او حالات کنټرول کړی.
د کراچی ښاری زیربنا زړه ده او د کانالازیسیون سیستم یی هم خراب دی او د ښار اکثره برخی ډیری آصیب پزیری دی.