افغانستان په کرکټ کې تاریخ جوړ کړ

افغانستان د کرکټ د نړیوالې شورا د دویمې درجې لومړنی هېواد شو، د دغې شورا چې له اولې درجې هېواد څخه د لوبو سېریز ګټي.

افغانستان له زمبابوې څخه د پنځو لوبو لړۍ درې دوه وګټلې او په کرکټ کې یې یو نوی تاریخ جوړ کړی.

تر افغانستان وړاندې د دویمې درجې کوم بل هېواد داسې لړۍ نه ده ګټلې.

البته افغانستان د کرکټ د نړیوالې شورا یو بل بشپړ غړي بنګلدېش ته هم ماتې ورکړي دي.

دا لوبه د زمبابوې په بولیو ښار کې وشوه.

په زمبابوې کې او له زمبابوې څخه د لوبې ګټل اسانه خبره نه بلل کیږي.

افغانستان پچه وبایلله، خو د نور علي د ۵۴ او محمد نبي د ۵۳ منډو په مرسته یې زمبابوې ته د ۲۴۶ منډو هدف ورکړ.

په افغان توپ اچوونکو کې دولت ځدراڼ څلور، حمزه درې، راشد دوه او میرویس اشرف د زمبابوې یو لوبغاړی وسوځوه.