په افغانستان کې د ملګرو ملتونو یوه سروې وایي چې د ۲۵ فیصدو نه کم افغانان په دې باور دي چې د افغانستان ملي پولیس د دې توان ولري چې د بهرنیوځواکونو د مرستې نه بغیر دې امنیت وساتي.
داسوشتید پریس خبری اژانس وایي چې دغه سروې دا هم وایي چې د څلورو څخه دری افغانان بیا په دې باور دي چی تر ۲۰۱۴ کاله پورې چې ناټو به افغان قواوو ته امنیتي مسولیتونه وسپاري -- افغان ملی پولیس به د امنیت د ساتلو جوګه شي. دغه سروي نن د ملګرو ملتونو لخوا خپره سوي.
په دغه سروې کې دا هم راغلي چې ۶۸ فیصده افغانان وایي چې بهرنی ځواکونه دې اوس په افغانستان کې پاته شي. په څلورو افغانانو کې یو یی بیا وایي چې بهرنی ځواکونه دې سمدستي د افغانستان نه ووځي.