۱۱:۱۷
۲۵.۳.۱۳۹۳
د غور د انتخاباتو د کمیسیون رئیس فضل الله جلالي وايي چې د فیروزکوه د ښار د ۱۵ مرکزونو رایې د کمیسیون ولایتي دفتر ته انتقال شوي او نوري رایې به هم د یکشنبې تر ماښامه انتقال شي.
۱۱:۱۴
۲۵.۳.۱۳۹۳
دهرات دانتخاباتو د کمیسیون رئیس داوود صدیق زاد: د رایېو ۴۰ فیصده د کمیسیون دفتر ته انتقال شوي او پاته هم د انتقال په حال کې دي.#VOAAFElect14
— VOA Afghanistan (@VOAPashto) ۲۵.۳.۱۳۹۳
۱۰:۵۸
۲۵.۳.۱۳۹۳
د اروزګان د دهراود په والسوالۍ کي د رایېو د انتقال پر موټر چاودنه شوې. د اروزګان د انتخاباتو د ولایتي دفتر مشر عبدالحمید شریفي امریکاغږ ته وويل چي په پېښه کي د انتخاباتو د کميسیون یو کارونکی وژل شوی او بل تن يې ټپي دي. چارواکي وايي چې د چاودنې په نتیجه کې، د دریېو مرکزونو رايېو ته زیان اوښتی.
پېښه د شنبې په ماخوستن هغه مهال وشوه چي په رایېو بار موټر د ولایتي مرکز پر لوري د تګ په حال کي و. ښاغلي شریفي وايي چي د انتخاباتو یوتن ناظر هم په پېښه کي ټپي شوی.
پېښه د شنبې په ماخوستن هغه مهال وشوه چي په رایېو بار موټر د ولایتي مرکز پر لوري د تګ په حال کي و. ښاغلي شریفي وايي چي د انتخاباتو یوتن ناظر هم په پېښه کي ټپي شوی.
۱۰:۳۷
۲۵.۳.۱۳۹۳
د افغانستان د دفاع وزارت وايي چې د انتخاباتو په تړاو ۵۰۶ امنیتي پیښې شوي دي. د دفاع وزارت وايي چې په دغو پيښو کې ۲۳۱ یې د ماین پیښې وي او ۲۷۳ یې بیا هجومي بریدونه او انداختونه وو. دغه وزارت وايي چې په پیښو کې یو ځانمرګي برید هم شامل دی.