چین وایي، په دوه زره او دوولسم کال کې به یې دفاعي بودجه ، یوولس اعشاریه دوه فیصده زیاته ش ، یوسلوشپږ اعشاریه اوه ملیارده به شي. دغه زیاتوالی د چین د چټکې اقتصادي ودې له درکه راځي او د چین د نظامي پراختیا د تمویلوسبب کیږي
د چین د پارلمان مشر لي ژوسنگ نن خبریالانو ته وویل چې دفاعي لگښتونه به د دوه زره او یوولسم کال د مصارفو نه قریب لس اعشاریه شپږ ملیارده ډالره زیات شي.
ښاغلي لي وویل چین لوی هیواد دی او اوږد ساحل لري ، خو پوځي لگښت یی د نورو غټو هیوادونو نه نسبتا کم دی.
د چین نظامي بودیجه په دنیا کې د امریکا نه وروسته دویمه درجه غټه بودیجه ده.
سره ددې چه بیجنگ وایي چې صرف د دفاعي هدفونو دپاره خپل پوځ عصری کوي، خو د چین چټکې اقتصادی ودې په واشنگتن او اسیایي هیوادونو کی اندیښنې پیدا کړیدي.
د امریکا د دفاع وزارت تیر کال یو رپوټ خپور کړ او په کښی راغلي داسی ښکارې چې چین ددې دپاره ځان تقویه کوي چې که په راتلونکې کی د تایوان سره په هر ممکن بحران کی د خارجي مداخلې مخه ونیسي.