دافغانستان دکرکټ ملي لوبډله دانټرکانټینټل کپ په لومړنۍ سیالۍ کې د ګډون په موخه نن کاناډا ته روانه شوه .
ملي لوبډله به خپله لومړنۍ ټیسټ لوبه د اګست د میاشتې په دوهمه نیټه له کاناډا سره پیل کړي او تر پنځمې نیټې به دوام ومومي.
دوهمه یوه ورځنۍ لوبه د اګست په اوومه ، او دریمه یو ورځنۍ لوبه د اګست دمیاشتې په نهمه نیټه له کاناډا سره تر سره کړي.
د اګست په ۱۱مه او ۱۲مه د ټورانټو په ښار کې له دوو شل اووریزو لوبو سره به افغان لوبډله خپل د کاناډا دوره پای ته ورسوي.
د افغانستان کرکټ بورد اجرایوي رییس نسیم الله دانش وایي افغان لوبغاړو ددې لوبې لپاره په سریلانکا کې پنځلس ورځني تمرینونه کړي او پوره چمتوالی لري.