د لاس رسي وړ اتصالات

د کندهار نړیوال هوايي ډګر د احمد شاه بابا په نوم اعلان شو


ولسمشر محمد اشرف غني د کندهار نړیوال هوايي ډګر د احمد شاه بابا په نوم اعلان کړ.

ولسمشر غني نن چهارشنبه د«چنګاښ ۱۲مه» کندهار ته د سفر پرمهال د کندهار د نړیوال هوايي ډګر د نوم د بدلون پر مهال وويل چې د احمدشاه بابا ابدالي پر هوايي ډګر به څلور برابره زیاته پانګونه کیږي او په سیمه کې به په یوه لوی هوايي دګر بدلیږي.

نوموړي وويل، غواړي د احمدشاه بابا هوايي ډګر په یوه عمده صادراتي مرکز بدل کړي.

ده وويل:"دغه هوايي ګر باندي به څلور برابره زیاته پانګونه کوو تر څو د منطقې د وصل عمده ځای وي او څو خلیج، اروپا او بهر ته زموږ زراعتي صادرات له دې لاري تر سره شي، د اطلاعاتو او کلتور وزارت څخه مننه چې د کندهار د هوايي ډګر د نوم د بدلون لپاره يې وړانديز وکړ او دا هوايي ګر به نور د افغانستان د دې ستر شخصت په نوم وي."

ټاکل شوې ولسمشر غني د نن ورځې په اوږدو کې د دغه ولایت له چارواکو او قومي مشرانو سره هم وګوري.

  • 16x9 Image

    عزیزالله پوپل

    عزیزالله پوپل په جنوبي ولایتونو کې د امریکا غږ اشنا راډیو د پښتو خبریال دی. له امریکا غږ سره د کار له مخه یې په سیمه کې له ملي راډیو او ټلویزیون، روز خبري اژانس، هیواد ټلویزیون او افغان ازاد راډیو سره د خبریال په حیث کار کړی، او د کندهار په پوهنتون کې یې د ادبیاتو زده کړې ترسره کړې دي

XS
SM
MD
LG