د لاس رسي وړ اتصالات

په کندهار کې په نشو روږدي درملنه غواړي


Drug addict in Nangarhar- Narcotics in Afghanistan

په کندهار کې په نشه يي توکو روږدي کسان له حکومت څخه غواړي چې درملنه یې وکړي.

دوی وايي که د درملنې امکانات ورته برابر شي، نو تیار دي چې په خپله خوښه روغتیايي مرکزونو ته ولاړ شي او له نشه يي توکو له لاس واخلي.

په نشه يي توکو روږدی یو کس تورجان وايي شپږکاله کیږي چې نشه يي توکو کاروي.

هغه وایي:"صحیح شفاخانې دې جوړې کړي، اوس په دغه ولایت کې یوه شفاخانه ده، ۵۰ بستره، نو هغه هم داسې کسان بستروي چې واسطه ولري یا نوبت ور ورسیږي، هغه نور ټول به په سړکونو باندې پراته وي. "

ډاکټران وايي چې نشه يي توکي په تدریجي ډول پرېښودل کیږي، او په کار ده په نشه يي توکو له روږدو سره اوږدمهاله کار وشي.

د دوی په باور په زور د نشه يي توکو پرېښودلو ته د روږدو مجبورول ښې پایلې نه لري‫.

په کندهار کې د عامې روغتیا ریاست په چوکاټ کې، د نشه يي توکو د روږدو د درملنې یوازې یو پنځوس بستریز مرکز فعالیت لري، دغه مرکز ته د درملنې لپاره د نشه يي توکو سلګونو معتادینو مراجعه کړې، چې دلته یې د درملنې امکانات نشته‫.

د کندهار د عامې روغتیا ریاست د معتادینو د درملنې د برخې مسئول ډاکټر رحماني وايي: "اګرچه د درملنې لپاره په کندهار ولایت کې یو تعداد روغتیايي مرکزونه شته، اما په هغه اندازه چې د معتادینو لپاره کفایت وکړي، کم دي، نه شي کولای دغه روغتیايي مرکزونه د ټولو هغو معتادینو درملنه پر وخت او سم ډول وکړي لکه څنګه چې لازمه ده."

Kandahar Report
please wait
Embed

No media source currently available

0:00 0:02:08 0:00

د کندهار د نشه يي توکو په وړاندې د مبارزې ریاست د معلوماتو په اساس په جنوب حوزه کې لږترلږه ۳۰۰زره کسان په نشه يي توکو اخته دي چې ډیر یې په کندهار ولایت کې دي.

XS
SM
MD
LG