د لاس رسي وړ اتصالات

کرزی: د افغانستان په اړه د پاکستان او امریکا معامله نه منو 


Karzai Interview With VOA

د افغانستان مخکنی ولسمشر حامد کرزی وايي چې افغانان د سولې د بهیر ننګه کوي خو « د افغانستان په اړه د پاکستان او امریکا معامله نه منو او په وړاندې به یې مقاومت کوو.»

ښاغلي کرزي د امریکاغږ سره په مرکه کې وویل: «د سولې بهیر چې امریکا رامنځ ته کړی، موږ وینو چې د پاکستان سره په عالي هماهنګۍ سره روان دی. موږ د سولې په بهیر کې د پاکستان رول درک کوو. خو موږ ته سوله بل څه ده او د امریکا او پاکستان ترمنځ موافقه یوه بله متفاوته موضوع ده.»

نوموړي وویل چې دا ډول معاملې له افغانستان څخه د پخواني شوروي اتحاد له وتلو وروسته هم شوې وې چې افغانان یې له بدبختیو سره مخامخ کړل.

ښاغلي کرزي وویل چې د چین او روسیې په ګډون باید د افغانستان ټول ګاونډیان له امریکا سره په تفاهم او همکارۍ سره د افغانستان د سولې ننګه وکړي.

د افغانستن د «اسلامي جمهوریت» د مذاکراتو پلاوي له طالبانو سره د سپتمبر په ۱۲ (سنبله۲۲) د سولې خبرې پیل کړې خو د مذاکراتو په اصولو او تګلارې د اختلاف له کبله دوی کومې نتېجې ته نه دي رسېدلي.

هغه وویل: «د پردې تر شا باید هېڅ معامله او او برنامه نه وي. موږ شفافیت غواړو. موږ نغواړو چې افغانستان د نورو هېوادونو د ګټو د تضاد ځای وي. موږ نغواړو چې افغانستان د رقابتونو ځای وي. موږ رنځ ګاللی دی. موږ غواړو چې افغانستان د همکارۍ ځای وي. دا د افغانانو جنګ نه دی او دا د افغانانو د ګټو جنګ نه دی. افغانان د بهرنیو هدفونو لپاره وژل کیږي.»

هغه وویل چې که امریکا او پاکستان رښتیا هم وغواړي په افغانستان کې سوله راځي او په خبره یې افغانان به یې هرکلی وکړي.

XS
SM
MD
LG