د پروان اوسېدونکی پاچا خان چې شاوخوا لس کاله کیږي په نشو اخته دی وايي د کاکا زوی یې نشو ته هڅولی او کلونه کیږي چې د کابل پر واټونو شپې سبا کوي.
پاچا خان وايي " کورنۍ مې شړلی یم، پر سړکونو ګرځم، پلاستیک او بوتل ټولوم او په همدې ګوزاره کوم".
هغه وايي څو ځله یې د درملنې هڅه کړې خو بیا هم نه دی توانېدلی چې نشې پرېږدي او عادي ژوند پیل کړي.
پاچاخان وايي که دوی ته د کار زمینه برابره شي او تر څنګ د نشه يي موادو د پلورونکو مخه ونیول شي نو ډېر معتادین به له نشو لاس واخلي.