په کابل کې د جنګلک د معتادینو د درملنې روغتون، چې په افغانستان کې د مخدره موادو د روږدو یو لوی روغتون دی، چې د سلګونو معتادینو درملنه یې کړې ده.
د جنګلک د معتادینو د درمنلې د روغتون مشر ډاکټر نورزی غوري وايي، چې د جنګلک روغتون درې سوه بستریز دی او په معمول ډول دا درې سوه بستره په یوه وخت د درې سوه معتادینو درملنه پکې کیږي.
ډاکټر نورزی غوري وايي"زموږ شفاخانه ۳۰۰ بستریز روغتون دی، او د عامې روغتیا وزارت لخوا تمویل کیږي او موږ سره دونران هم شته لکه ای این ایل او کولمبو پلان هم موږ سره مرسته کوي ".
هغه وویل پدغه روغتون کې په روږدو ټول مروجه درملنه تر سره کیږي ترڅو معتاد په بشپړه توګه له اعتیاد وژغورل شي.
افغانستان یو له هغو هیوادونو دی چې، په تر درې ملیونه زیات په نشه يي توکو روږدي پکې شته او د درملنې مراکز یې د دومره شمیر معتادینو وس نه لري.