د پروان اوسېدونکی محمددین چې اوس د کابل په جنګلک روغتیايي مرکز کې تر درملنه لاندې دی، تمه لري چې تر رخصتېدو وروسته د سلمانۍ دوکان جوړ کړي.
هغه چې اته کاله یې نشه يي توکي کارولي، اته میاشتې کیږي د خپلې درملنې تر څنګ د نورو معتادینو د وېښتو جوړولو کار هم کوي.
هغه وايي "پلان مې نیولی چې دلته وظیفه واخلم، که ونه شو بیا د باندې ځان ته یو دوکان جوړوم" .
هغه پښېمانه دی چې نشې یې پیل کړي او غواړي چې تر درملنې وروسته له نشو پاک او خوشحاله ژوند ولري.