حاجي محمد چې د کابل پر واټونو له نورو معتادینو سره یو ځای بېلا بېلې نشې کوي، هغه مهال په نشو اخته شو چې کله ایران ته د مزدورۍ لپاره تللی وو.
هغه وايي د دې لپاره چې ډېر کار وکړي او پیسې وګټي نو کله کله به یې تریاک څکول چې وروسته پرې معتاد شو او اوس یې نه شي پرېښودلی.
حاجي محمد وایي " په افغانستان کې طالب له یوې خوا سړی ولي او دولت له بلې خوا، مجبوره یې چې لاړ شې بل وطن ته، نه کار شته، نه غریبي، نه پیسې، نه ښه شته او نه بد، بل وطن ته چې لاړ شې له ډېر کار، ستومانۍ او خپګان نه مجبوره کیږې چې په یوه فعل اخته شې".
هغه چې څو ځله یې درملنه کړې، نشې پرېښودل ستونزمن کار بولي او وايي د بېکارۍ له امله بېرته په نشو اخته شوی دی.