د لاس رسي وړ اتصالات

خوست: د کرنې پر مدیرانو نوي وسایل ووېشل شول


خوست: د کرنې پر مدیرانو نوي وسایل ووېشل شول
please wait

No media source currently available

0:00 0:02:13 0:00

د خوست په مرکز او ولسواليو کې د کرنې پر مديرانو يو شمېر توکي ووېشل شول چې د کرنې د عصري کولو او د کرنيزو محصولاتو د زياتوالي لپاره مهم بلل کيږي.


د خوست په مرکز او ولسواليو کې د کرنې پر مديرانو يو شمېر توکي ووېشل شول چې د کرنې د عصري کولو او د کرنيزو محصولاتو د زياتوالي لپاره مهم بلل کيږي.

دلته د خوست د مرکز او ولسواليو د زراعت پر مديرانو څه باندې دېرش بېلا، بېل توکي وېشل کيږي، چې د مسؤلينو په وينا د کرنې د عصري کولو او د کروندګرو ستونزو ته د رسيده ګۍ لپاره مهم دي.

د دې پروژې لګښت سويس هېواد ورکړی او د اړيکو دفتر يې تطبيقوي. اساسي موخې يې دا دي چې د فصلونو د ناروغيو په مخنيوي، د فني مېتودونو په زده کړه او د حاصلاتو د زياتوالي په برخو کې له کروندګرو سره مرسته وکړي.

د اړيکو دفتر مسئول احمد رحیم خوستی وايي "په دې کې کمپيوټرونه دي، موټرسايکلونه دي. پرېنټر دي. زراعتي وسايل دي. کارپېټ دی. د سولر سيستم دی. په ۱۲ ولسواليو کې مو د برق سيستم هم ورته په پام کې نيولی چې دا وسايل پرې وچلوي".

دا په داسې حال کې چې يو شمېر کروندګر نيوکه لري، چې ګوندې د کرنې د ودې او پراختيا په برخه کې دولت بنسټيز ګامونه نه دي اخيستي، خو مسؤلين د کرنې عصري کولو ته د لا ډېرې پاملرنې خبره کوي.

د دولتي مسؤلينو په وينا، د موټرسايکلونو، کمپیوټر، پرېنټر او د ځينو کرنيزو توکو په ورکړې سره غواړي، هم کرنې ته وده او پرمختيا ورکړي، هم کرنه عصري شي او هم د کروندګرو اقتصاد پياوړی شي.

په همدې حال کې د ولسواليو هغه مديران چې دا واسطې او نور توکي يې ترلاس کړل، هيله څرګندوي، چې پرمټ به يې تر يوه بريده د کروندګرو ستونزې راکمې کړای شي.

د خوست اوسېدونکي وايي که د کرنې د ودې او پراختيا لپاره دا ډول هڅې دوام ومومي، سربېره پر دې چې کرنيز محصولات زياتيږي، په کوکنارو او چرسو بوخت کروندګر هم حلالو کښتونو ته هڅول کيږي.

تبصرې وگورئ

XS
SM
MD
LG