د غزني اوسېدونکی محمد سلیم چې ایران ته د مزدورۍ لپاره تللی وو، هلته خپل د اکا زوی په نشو اخته کړ.
هغه چې اوس د تریاکو تر څنګ پوډر هم څکوي، د څه مودې لپاره له نشو لاس اخیستی وو، خو له معتادو ملګرو سره ناستې ولاړې بېرته پر نشو راواړوی.
محمد سلیم وایي " مشر ورور مې چې خبر شوی وو، ما ته به یې ویل چې له دې کس سره مه ګرځه خو زه نه پوهېدم، هغه خبرې چې مې کله کله را په یاد شي،وایم کاش د هغه خبرې مې منلې وای، اوس پوډر او تریاک څکوم، اته میاشتې مې پرې ایښي ول، له یو انډیوال سره کښېناستم او بېرته پرې اخته شوم".
هغه چې واده یې هم کړی وايي تمه لري چې له نشو لاس واخلي او له خپلې مېرمنې سره یو ځای له خوښیو ډک ژوند تېر کړي.