محمد صدیق چې لسیزې پخوا یې د نشه يي توکو کاروبار کاوه، په ایران کې د زندان پر مهال خپله په نشه يي توکو اخته شو.
هغه چې اوس په کابل کې په جنګلک روغتیایي مرکز کې تر درملنې لاندې دی نجاري زده کوي او تمه لري چې تر درملنې وروسته به ښه ژوند ولري.
محمد صدیق وايي" زه خو تصمیم لرم چې خوشي یې کړم، هرځل تصمیم نیسم چې نه به یې څکوم هماغه کیسه ده، چې زه یې خوشي کوم خو هغه مې نه خوشي کوي.”
هغه په روغتیايي مرکز کې د وخت ښه تېرولو لپاره سندرې هم وايي چې نور ملګري یې هم ورسره خوشحاله دي.