د غزني اوسېدونکی عاشق الله چې پخوا یې رکشه چلوله، خپلو ملګرو په نشو اخته کړ او اوس ټوله ورځ له نورو معتادینو سره تېروي.
هغه وايي که څه هم پلار یې ورته ویلي وو چې له بې کارو ملګرو سره دې ناسته پاسته نه کوي، خو ده به د کورنۍ په پټه ورسره لیدل.
عاشق الله وایي نشو یوازې د ده نه بلکې د کورنۍ ژوند هم تریخ کړی دی او اوس په کلي کې له چا سره نه شي مخ کېدی.
په نشو اخته دغه ځوان وایي "دې نشې یوازې زه نه یم په تکلیف کړی بلکې ټوله کورنۍ، مور، پلار او مېرمنه مې پرېشانه کړي دي. یو ځل مې د ۲۰ ورځو لپاره تداوي وکړه خو وروسته مې بیا شروع کړل. ټوله ورځ دلته تر پله لاندې تېره کړم، له شرمه د شپې تیاره مهال کور ته ځم".
عاشق الله وایي که څوک غواړي چې خپل او د کورنۍ ژوند خراب نه کړي نو باید له نشو ځان