د پاکستان د بهرنیو چارو وزارت په یوه اعلامیه کې ویلي، چې افغانستان سره یې په تورخم او چمن – سپین بولدک کې خپل سرحد د جمعې او شنبې په ورځو د افغان حکومت په غوښتنه تړلی دی.
د ننګرهار ولایت چارواکي وايي چې د ټاکنو د امنیت خوندیتوب په خاطر یې له تېر ماښام راهیسې د تورخم لاره او دروازه د هر ډول موټرو او خلکو د تګ راتګ پر مخ تړلې ده.
د ننګرهار د والي ویاند عطا الله خوږیاڼي امریکا غږ ته وویل:''پنجشنبې ورځې له ماښام څخهد راتلونکېیکشنبې تر سهاره پورې به چې د تلې ۲۹مې نیټې سره سمون خوري،د تورخم لویه لاره د هر ډول مسافرینو او وسایطو پر مخ تړلي وي''
نوموړی وايي چې دا کار یې د ټاکنو د ښه تر سره کېدو او امنیتي خونديتوب په خاطر کړی دی.
د ننګرهار ولایت اوسېدونکي هم له دغې چارې خوشاله دي او وايي ښه ده چې لار وتړل شي تر څو کومه امنیتي پېښه رامنځ ته نه شي.
د عبد الحق په نوم د جلال اباد ښار اوسېدونکي امریکا غږ ته وویل:'' موږ غواړو چې ټول سرحدونه کلک وتړي، ځکه موږ ته ډېر مشکلات له همدغو ګاونډیانو راپېښ دي''ږ
په سپین بولدک کې هم مسافر وايي، افغان حکومت د سپین بولدک – چمن سرحد تړلی دی.
ټاکل شوې ده چې سبا ورځ به له غزني پرته ټول افغانستان کې خلک د پالماني ټاکنو لپاره رایه اچونه کې برخه واخلي.
ننګرهار کې د ټاکنو کمیسیون ولایتي دفتر وايي ټولو ولسوالیو ته یې ټاکنیز مواد لېږدولي خو د ننګرهار له دوه ویشتو ولسوالیو څخه درې یې، حصارک، پچیراګام او خوږیاڼو ولسوالیو کې تهدیدات لوړ دي.
وسله والو طالبانو هم سبانیو ټاکنو کې د بریدونو د کولو خبرداری ورکړی دی.