پاکستاني مقامات وایي محکمې امر کړیدی چې په پاکستان کې د پخواني جمهورریس پرویز مشرف ملکیت او بانکي حسابونه دې ضبط شي.
دغه مامورین وایي محکمې پرون دغه امر کړیدی.
ښاغلي مشرف، په ۲۰۰۸ کال کې، د سلب اعتماد له ګواښ سره د مخامخ کیدو راهیسې په خپله خوښه په دوبی او لندن کی ژوند اختیار کړیدی.
د پاکستان مقامات ، د پخوانی صدراعظمی بینظیربوټود قتل په ارتباط په ښاغلي مشرف پسې ګرځي.
څارنوالانو، تراوسه پوری څو ځلی، ځکه د ښاغلی مشرف د نیولوامر کړیدی، چه وایی هغه ، د بینظیر بوټو دپاره کافی امنیتی بندوبست نه و کړی.
ښاغلی مشرف د خپلې سیاسي رقیبې د وژلو او توطیی کولو تورونه ردوي.