د لاس رسي وړ اتصالات

بلخ کې ځانمرګي برید یو پخوانی جهادي قوماندان وژلی


په دغه برید کې دوه ملکي کسان هم ټپیان شوي دي.
په دغه برید کې دوه ملکي کسان هم ټپیان شوي دي.

د بلخ امنیتي چارواکي وايي، نن سهار په مزارشریف ښار کې د حاجي غني په نوم پخوانی جهادي قوماندان د ځانمرګي برید په ترڅ کې وژل شوی دی.

د بلخ د پولیسو د امنیت آمر رزاق قادري امریکا غږ آشنا ته وویل، پر حاجي غني باندې هغه مهال ځانمرګی برید وشو، چې نوموړی له خپلو ساتونکو سره د شادیانو د دروازې له سیمې څخه د تیریدو په حال کې وو.

ښاغلي قادري وویل په برید کې دوه ملکي وګړي ټپیان شوي دي.

هغه وویل "ځانمرګي بریدګر، هغه توکي چې له ځان سره یې لیږدول، د بلخ ولایت د مارمُل ولسوالۍ د یو پیژندل شوي شخصیت حاجي عبدالغني مخ کې ورته چاودنه ورکوي، چې حاجي غني وژل کیږي".

حاجي غني د مارمُل ولسوالۍ پخوانی ولسوال او د اسلامي جمعیت ګوند غړی وو.

د برید مسولیت وسله‌والو طالبانو منلی دی.

XS
SM
MD
LG