په دې ویدیو کې هغه انځورونه وینئ چې د عراق د ایریدي اقلیت پر وړاندې د داعش جگړه مارانو اعمال په ډاگه کوي.
څو میاشتې دمخه تر دې چې داعش د عراق په سنجار ولایت کې د کوچو کلی ونیسي، په هغه کلي کې یو واده و. هغه واده له وروستیو جشنونو او خوښیو نه و چې ددې کلی خلک یې په یاد لري.
هغو ښځو او نارینو چې په دغو مراسمو کې یې گډون کړی و په مینه یې محلي نڅاوی کولې. خو څو میاشتې وروسته کله چې د داعش جنگیالیو دغه کلی ونیو د هغو ښځو او نارینو سرنوښت چې د واده په مراسمو کې یې گډون درلود ددې ډلې د سخت دریځو په لاس کې شو.
په دغه ویدیو کې هغه رسمونه وینئ چې د ایزیدي قبیلې د نارینو، ښځو، نجونو او ماشومانو په وړاندې د داعش اعمال څرگندوي.
