د مدافع وکیلانو یوې مشهوره قانوني ډلې د دوشنبې په ورځ د امریکا په جمهور رئیس ډونالدټرمپ عریضه وکړه. دغې ډلې پر ټرمپ تور لګولې چې د خپلو هوټلو او نورو کاروبارنو له لارې یي د بهرنیو هیوادونو نه د پيسو په آخستلو د امریکا د اساسي قانون نه سرغړونه کړې ده.
د ښاغلي ټرمپ د رسمي کار لمړی ورځ داسی پیل وشو:
کاروبارونه:
ټرمپ د "لاکهید مارتین کارپس" او "انډرآرمور" په شمول، د مختلفو شرکتونو رئیسانو او مشرانو ته وویل چې د هغه حکومت په کاروبارونو پنځه اویا فیصده وضع شوي مقررات فسخه کوي او هرڅوک چې په امریکا کې دننه فابریکې جوړوي، هغوئ به ډیر ژر تایدي واخلي.
تجارت:
د کاناډا صدراعظم جستن ټریدو د خپلې کابینې سره لیدنې پیلې کړي چې د ټرمپ سره په څه ډول یوې جوړې ته ورسیږي. ټرمپ وایي د شمالي امریکا ترمنځ د آزاد تجارت یا (نافټا) پر قرارداد له سره غور کوي. او د چاپان صدراعظم شینزو آبی پدې باور دی چې ټرمپ د آزاد تجارت په ارزښت پوهیږي او وایي هغه به پر مختلف ملیتي قرارداد کار وکړي چې د ښاغلي ټرمپ حکومت ورڅخه د وتلو أراده ښودلې وه. د بریتانیې صدراعظمه ټریسا می به د آزادتجارت دریځ غوره کړي او ویاند يي وایي د همدې اونۍ په پای کې چې کله د ښاغلي ټرمپ سره ویني، نو د ایران سره د اتومي موافقې ملاتړ به وکړي. د خلیج عرب هیوادونو، سپینې ماڼۍ ته د جدي رهبر چې د هغوئ د رقیب ایران پرضد دی، د ورتللو آرامه هرکلې کړې. مکسیکو وایي د امریکا سره په تجارتي معاملو له سره خبرو ته تیار دی خو که وایي د امریکاهرډول پالیسي چې واردات يي اغیزمن کې بلمثله اقدام به وکړي.
بهرني مشران:
اټکل کیږي چې کرملین به د روسیې د جمهور رئیس ولادمیرپوتین او ښاغلي ټرمپ ترمنځ په لمړنۍ تیلیفوني مکالمې کیدو موافقه وکړي، خو دا چې د دواړو مشرانو لیدنه به کله وشي، څه ندي ویل شوي.
په بازارونو اغیزې:
که تاریخ په هرډول لارښونه وکړي، داسی څرګندیږي چې راتلونکې میاشت به د وال سټریټ لپاره پیچلې وي خو د ډالر لپاره به مثبته وي. د ټرمپ حکومت څو ساعته کیږي چې پیل شوی دی، خو په همدې لږ وخت کې د نژدې پنځه سوه شرکتونو رئیسانو د ټرمپ لخوا د مالیاتو د ختمولو، لګښت زیاتیدو او په کاروبارونو د مقرراتو ختمیدو وعدو ته خوشبیني ښودلې ده. پدې کار سره شرکتونه ډيره ګټه ترلاسه کوي.
کابینه:
سناتور بن کارډن چې د بهرنیو اړیکو په کمیټه کې ترټولو جګپوړی دیموکرات دی، وایي هغه به د بهرنیوچارو وزارت ته د ټرمپ نومول شوي وزیر ریکس ټیلرسن ملاتړ ونکړي.
اپوزیسیون:
د ښاغلي ټرمپ د کار په اوله ورځ څرګنده شوه چې په متحده ایالاتو کې سیاسي درز څومره ژور او لوی دی.
افغانستان:
طالبانو د ټرمپ نه غوښتي چې د افغانستان امریکایي ځواکونه وباسي او وایي په تیرو پنځلو کلونو کې د وینې بهیدنې په غیر نور هیڅ لاسته راوړنه نلري.