د لاس رسي وړ اتصالات

د امریکا د استازو خونې کروناسره مبارزې ته دوه تریلیون ډالر تصویب کړل


ولسمشر ټرمپ له استازو غوښتي وو چې دا پلان دې ژر تصویب کړي

د امریکا د متحدو ایالتونو د استازو خونې د جمعې په ورځ مارچ ۲۷ (وري۸) د کروناویروس سره د مبارزې لپاره دولسمشر ټرمپ د دوه تریلیون ډالرو پلان تصویب کړ.

ټاکل شوې چې ولسمشر ټرمپ به دا پلان ژر لاسلیک اوتوشیح کړي.

د دوه ټریلیون ډالرو په دغه مالي پکیچ کې به د متحدو ایالتونو له ټولو روغتونونو سره مالي مرسته کیږي چې د کروناویروس سره لا ښه مبارزه وشي او په کرونا د اخته کسانو لا ښه درملنه وشي.

همدغه راز د امریکا حکومت به د دغه مالي پلان په اساس له ټولو وړو کاروبارونو او سوداګریو او هغو شرکتونو سره هم مرسته کوي چې د کرونا له کبله زیانمن شوي دي.

پر دې سربېره دا مالي پلان به حکومت ته دا لار هم خلاصه کړي چې د کم عاید او منځني‌ عاید لرونکو امریکایانو سره، چې د کروناویروس له کبله یې اقتصادي‌ زیانونه لیدلي، هم مالي مرستې وکړې.

د دوو تریلیون ډالرو دا مالي پلان د امریکا په تاریخ کې تر ټولو لوی مالي پکیچ بلل کیږي.

ولسمشر ټرمپ د ټویټر له لارې د متحدو ایالتونو له استازو غوښتي وو چې دا مالي‌پلان ژر تر ژره تصویب کړي.

امریکا دا مهال د کرونا ځپلیو هېوادونو په سر کې ځای لري. په امریکا کې تر تر دې دمه څه باندې ۱۲۰۰ تنه مړه شوي‌او ۸۶۰۱۲ پرې اخته دي.

د امریکا په ډېرو ښارونو کې ټول کاروبارونه، ښوونځي، رستورانتونه او لوی تجارتونه تړل شوي‌او خلکو ته ویل شوي چې له ضرورت پرته له خپلو کورونو څخه ونه وخي.

XS
SM
MD
LG