د امریکا بحري ځواکونو په عرب سمندر کې د ۴ ملیون ډالرو په ارزښت هیروئین نیولي

<p><strong>د امریکا د بحري ځواکونو د جنګي کښتیو&nbsp;۵مه ډله چې په بحرین کې پرته ده، وایي په عرب سمندر کې یې د کب نیونې په یوې کښتۍ کې چې معلومه نده د کوم هیواد به وي، سلګونه کیلو ګرامه هیروئین (پوډر)نیولي دي.&nbsp;</strong></p> <p>د دې ځواکونو په اعلامیې کې چې نن پنجشنبه ډسمبر&nbsp;۳۰ (مرغومي۹)&nbsp;خپره شوې ویل شوي چې د کښتۍ عملې ځانونه ایراني اتباع ښودلي دي.&nbsp;<br /> <br /> په اعلامیې کې راغلي،&nbsp;&quot;د امریکا د بحري ځواکونو کښتیو د دوشنبې په ورځ په عرب سمندر کې&nbsp;۳۸۵&nbsp;کیلو ګرامه هیروئین چې ارزښت یې تقریباً&nbsp;۴&nbsp;ملیون امریکایي ډالر کیږي، نیولي دي&quot;.&nbsp;</p> <p>د امریکا بحري ځواکونو ویلي چې دا مخدره مواد یې په سمندر کې له منځه وړي دي.<br /> د دې ځواکونو په اعلامیې کې ویل شوي&nbsp;د کښتۍ&nbsp;۹&nbsp;عمله چې ځانونه یې ایرانیان ښودلۍ د کښتۍ سره یو ځای خوشې شوي.<br /> <br /> دا لومړي ځل ندی چې په عرب سمندر کې امریکایي ځواکونه غیر قانوني مواد ضبطوي. دغو ځواکونو دوه اوونۍ وړاندې د یوې چاودنې نه وروسته&nbsp;۵&nbsp;ایراني ماڼوګان د ډوبیدو نه وژغورل او په کښتۍ کې بار غیرقانوني مخدره مواد یې هم ضبط کړل.&nbsp;</p> <p>د امریکا بحري ځواکونو ویلي ویلي چې په کښتۍ کې یې&nbsp;۲&nbsp;ټنه چرس،&nbsp;مت &zwnj;آمفتامین&nbsp;او پوډر ضبط کړل چې عمان خلیج ته وړل کیدل.&nbsp;</p> <p>امریکایي ځواکونو په دواړو قضیو کې د&nbsp;۱۵۰&nbsp;نړیوال ګډ کاري ځواک (CTF 150)&nbsp;په چوکاټ کې عملیات کول. ددې ځواک غړي په سمندر کې د غیرې قانوني وسلو او مخدره موادو د قاچاق د مخنیوي لپاره امنیتي او د ترهګرۍ ضد عملیات کوي.</p> <p>دغو ځواکونو په&nbsp;۲۰۲۱&nbsp;کال کې په سمندر کې د مخدره موادو ضد عملیاتو کې د&nbsp;۱۹۳&nbsp;ملیون ډالرو په ارزښت غیرې قانوني مخدره مواد نیولي دي.</p>