د لاس رسي وړ اتصالات

د ټرمپ-کیم ليدنه؛ پر شمالی کوریا د فشار راوړلو مطالبه


د امریکا متحدو ایالتونو د پنجشنبې په ورځ [اپریل ۱۹] د نړۍ له هېوادونو څخه وغوښتل چې پر شمالي کوریا خپل دیپلوماتیک او مالي فشارونه جاري وساتي څو دغه هېواد د اټومي وسلو جوړول بند کړي.

د بې وسلې کولو په چارو کې د امریکا سفیر روبرټ ووډ وویل چې د واشنګټن پلاوی به دغه غوښتنه د اټومي وسلو د تکثیر د مخنيوي تړون په کنفرانس کې مطرح کړي. دغه غونډه د راتلونکې اونۍ د دوشنبې په ورځ [اپریل ۲۳] د سویس په ژنیف ښار کې کیږي.

شمالي کوریا په ۲۰۰۳ کال کې لدغه ټرون چې هېوادونه د اټومي وسلو له پراختیا څخه منع کوي، ووتله.

د بې وسلې کولو په چارو کې د امریکا سفیر روبرټ ووډ
د بې وسلې کولو په چارو کې د امریکا سفیر روبرټ ووډ

ښاغلي ووډ وویل چې " د امریکا متحده ایالتونه په مکمله، د اثبات وړ او په نه بدلېدونکي ډول د شمالي کوریا اټومي بې وسلې کولو ته ژمن دي." او پلان لري پر دغه هېواد فشارونو ته ادامه ورکړي څو پیونګ یانګ د خپلو اټومي وسلو او راکټونو د پراختیا لپاره بودیجې ته لاسرسی ونه لري.

ووډ د امریکا تګلاره روښانه نه کړه چې څنګه غواړي پیونګ یانګ خپلې اټومې وسلې "تسلیمې" کړي.

امریکايي چارواکو په داسې حال کې پر شمالی کوریا د فشارونو د زیاتولو غوښتنه کړې ده چې په پام کې ده د جون میاشتې په لومړیو کې د امریکا ولسمشر ډونالډ ټرمپ د شمالي کوریا له رهبر کیم جون اون سره مخامخ ملاقات وکړي.

ولسمشر ډونالډ ټرمپ پرون وویل چې په هغه صورت کې د شمالي کوریا له رهبر سره ویني چې غونډه یې کامیابه وي.

له کیم جون سره د ولسمشر ټرمپ ممکنه لیدنه یوه تاریخي پېښه بلل کیږي.د امریکا هیڅ یوه برحاله ولسمشر د شمالي کوریا له رهبر سره لیدلي نه دي.

ولسمشر ټرمپ ټینګار کوي چې " که زما په شتون کې غونډه ګټوره نه وه، زه به په احترام غونډه پریږدم او هغه څه ته به دوام ورکړو چې اوس یې کوو، خو یو څه پېښېدونکي دي."

د ټرمپ-کیم ليدنه؛ پر شمالی کوریا د فشار راوړلو مطالبه
please wait

No media source currently available

0:00 0:02:23 0:00

XS
SM
MD
LG