د لاس رسي وړ اتصالات

امریکا د ۶۵۰ میلیون ډالرو په ارزښت وسلې په سعودي پلوري 


سعودي عربستان د امریکا نژدې ایتلافي بلل کیږي
سعودي عربستان د امریکا نژدې ایتلافي بلل کیږي

د امریکا د دفاع وزارت وایي چې د ولسمشر جو بایډن په اداره کې له سعودي عربستان سره د وسلو پلورلو لومړی تړون منظور شو.

پدې تړون کې به په لومړي سر کې امریکا په سعودي‌ عربستان له هوا څخه هوا ته د راکټ توغول کېدونکي ۲۸۰ مرمۍ وپلوري چې ارزښت یې ۶۵۰ میلیون ډالر دی.

سعودي عربستان په منځني ختیځ کې د امریکا نږدې ایتلافي‌ دی خو کانګریس د یمن په جکړې کې د مداخلې له کبله په ریاض باندې انتقاد لري. د یمن جګړې د نړۍ یو ستر بشري ناورین پیدا کړی.

د کانګریس ځینو غړیو په سعودي عربستان د وسلو پلورل رد کړي دي، خو په دې شرط چې ډاډ ترلاسه شي چې سعودي عربستان به دا وسلې د ولسي خلکو د وژلو لپاره نه کاروي.

د امریکا د دفاع وزارت تېره ورځ د امریکا ګانګرس ته د واشنګټن او ریاض ترمنځ د دغه قرارداد په اړه خبر ورکړ.

د جوبایډن ادارې په سعودي عربستان د دفاعي وسلو د پلورلو تګلاره جوړه کړې وه او که ګانګرس دا قرارداد ومني، دا به لومړی ځل وي چې د دغې تګلارې له جوړېدو وروسته امریکا په سعودي وسلې پلوري.

د امریکا د بهرنیو چارو وزارت یو ویاند وویل دا معامله داسې مهال کېږي چې تېرکال حوثي شیعه یاغیانو، چې د ایران ملاتړ ورسره دی، په سعودي عربستان باندې راکټي بریدونه کړي‌ او اوس به دا هېواد د ځان د دفاع جوګه شي.

د «ریتیون» د تکنالوژۍ شرکت دا راکټونه جوړوي.‌ پر دې سربېره به سعودي عربستان ۵۹۶ راکټ او ورسره تړلي وسائیل،‌ چې پرزې، تخنیکي او انجینري حمایت په کې شامل دی، ترلاسه کړي.

XS
SM
MD
LG