د لاس رسي وړ اتصالات

هیلري‌ کلنټن، هغه ښځه چې په امریکا کې یې تاریخ جوړ کړ


هیلري کلنټن په ۱۹۷۵م کال له بل کلنټن سره واده وکړ او اوس د چلسي کلنټن په نوم یوه لور لري

هیلري ډایان رادهام کلنټن، د ۱۹۴۷ کال د اکتوبر په۲۶ نېټه د ایلونای د شیکاګو په ښار کې زېږېدلې ده. میرمن کلنټن د امریکا د بهرنیو چارو مخکنۍ ( ۶۷مه) وزیره او د پخواني ولسمشر بل کلنټن میرمن ده.

هغه د ۲۰۱۶ کال د متحدو ایالتونو د جمهوري ریاست په انتخاباتو کې د ډیموکرات ګوند ګاندیده او د امریکا په تاریخ کې لومړنۍ ښځه ده چې د ولسمشرۍ د څوکۍ د ګټلو لپاره به د خپل ګوند کاندیده وي.

میرمن کلنټن د ۲۰۰۸ کال په انتخاباتو کې هم د ولسمشر اوباما سیاله وه، خو د خپل ګوند غوڅ ملاتړ یې ترلاسه نشوه کړې او ناکامه شوه.

د هیلري کلنټن د رسمي ویپاڼې له مخې هغه د ۲۰۰۱م او ۲۰۰۹م کلونو ترمنځ د متحدو ایالتونو په سنا کې د نیویارک سناتوره وه. هغه د امریکا د شیکاګو په ښار کې لویه شوه او د امریکا په مشهور پوهنتون، یل، کې یې قانون ولوست.

هیلري کلنټن د امریکا په سیاست کې یوه فعاله او تجربه لرونکې څېره بلل کیږي، چې په مسلکي لحاظ قانونپوه او پروفیسره ده. هیلري په ۱۹۷۵ کال د خپل پوهنتون له یو ټولګیوال، بل کلنټن، سره واده وکړ. له واده پنځه کاله وروسته د دوی په کور کې یوه نجلۍ پېدا شوه او نوم یې پرې چلسي کلنټن کېښود.

هیلري او کلنټن همدا یوه لور لري، چې هغې هم واده کړی او د خپلې مور په انتخاباتي کمپاین کې منډې ترړې وهي. که هیلري کلنټن انتخابات وګټي، د امریکا په تاریخ کې به لومړنۍ رئیس جمهوره وي.

  • 16x9 Image

    جعفر هاند

    جعفر هاند په ۲۰۱۷ کې په واشنګټن ډي سي کې په امریکايي پوهنتون کې په نړیوالو مطبوعاتو او اړیکو کې ماستري کړې ده. لومړۍ ماستري یې په ۲۰۱۳ کال کې (له لېرې واټن- Distance Learning) د هند په اندرا ګاندي پوهنتون کې په سیاسي علومو کې کړې ده. د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی. 

XS
SM
MD
LG