سپوږمۍ وویل: «زه دا غواړم چې پاته شم او مکتب ووایم او هم سبق ووایم. زما پلار وايي مکتب ووایه. . . . دا غواړم چې دلته مې وساتي. خپل کور ته نه ځم، وهي مې، اول خپل ورور مې وهي، خپل پلار مې ولاکه پریږدي.
«[زما] نه یادیږي، زما سره ظلم کوي، زما به ولې یادیږي. ما ته یې ویل چې دا مړه کړه چې دا ما مړه کړي واي چا به ساتلم، همدغسې ظلمونه راسره کوي، ما دغه دولت ساتي.»
Your browser doesn’t support HTML5
د سپوږمۍ څرګندونې دلته واورئ
سپوږمۍ وايي چې خوشحاله ده چې برید یې نه دی کړی. سپوږمۍ دا خبره هم کوي چې هغه کسان چې دې ته ویل شوي و چې په خلاف یې ځانمرګي برید وکړي اوس دا ساتي.
د سپوږمۍ پلار چې عبدالغفور نومیږي وايي چې که چیري لور یې وروسپارل شي نو هغه به یې د ساتلو توان و نه لري.
د امریکا غږ اشنا راډیو سره په یوې مرکې کې هغه وویل: «د دغو زامنو نه زه ویریږم. درې زامن لرم، یو یې طالب دي، دوه [نور] دي، دوی سره ګډ دي. [زه پخپله] د دوی څخه نه ویریږم. [د دې نه ویریږم] چې دغه نجلۍ به تاواني کړي. نو زه غواړم چې دلته ما ته یو څه مځکه راکړي او دغه نجلۍ په امان شي.»
