د ډسمبر په ۱۸مه نېټه د کډوالو نړیواله ورځ بلل کېږي، ملګري ملتونه وايي چې څه باندې لس میلیون افغانان، چې د افغانستان د ټول نفوس څلورمه برخه ده، د نړۍ په بېلا بېلو هېوادونو کې کډوال دي او میلیونونه نور بیا په کور دننه له خپلو اصلي سیمو څخه بېځایه شوي دي.
د ماشومانو د ژغورنې نړیواله اداره (Save the Children) وايي، د افغانستان له هر دریو ماشومانو یو د روان ژمي پر مهال د لوږې له بحراني او بېړنیو کچو سره مخ دی، او دا وضعیت د تېر کال پرتله ۱۸ سلنه خراب شوی دی.
د ملګرو ملتونو د پېسو وجهي صندوق (یونیسف) وايي چې په افغانستان کې د ۱۱.۶ میلیون ماشومانو په ګډون ۲۲ میلیون خلک بشري مرستو ته اړتیا لري.
د خوړو نړیوال پروګرام خبرداری ورکړی چې په افغانستان کې په سږني ژمي کې ۱۷ میلیون خلک د خوړو له شدید کموالي سره مخامخ دي او لوږه او خوارځواکي مخ په زیاتېدو دي.
د بخښنې نړیوال سازمان وایي، ایران او پاکستان یوازې په ۲۰۲۵ کال کې څه باندې ۲.۶ میلیونه افغان کډوال او پناهغوښتونکي په ناقانونه او په جبري ډول افغانستان ته، چې د طالبانو تر واک لاندې د بشري حقونو وضعیت او په ځانګړي ډول د ښځو او نجونو لپاره ورځ تر بلې خرابېږي، ستانه کړي دي.
د افغانستان د خبریالانو مرکز په یوې اعلامیې کې ویلي دي چې د رسا د خصوصي تلویزون مسئول مدیر غلام محي الدین صاحبزاده او د دغه تلویزون خبریال جهادمل حبیبي د طالبانو په زندان کې د لسو میاشتو بند له تېرولو وروسته خوشې شول.
د قطر امیر شیخ تمیم حمد بن ال ثاني د یکشنبې په ورځ ډسمبر ۱۴ د افغانستان د تعلیم د برخې فعال مطیع الله ویسا ته د «ځوانانو د خلاقیت او مشارکت جایزه» ورکړه.
په افغانستان کې د بشري وضعیت په اړه د ملګرو ملتونو ځانګړی راپور ورکوونکی، ریچارد بینټ، وایي چې د افغانو ښځو د ځورونې په وړاندې د ولسي محکمې پرېکړې، د هغو قربانیانو وضعیت په "قوي توګه تصدیقوي" چې د طالبانو تر واکمنۍ لاندې ژوند کوي.
د افغانستان لپاره د ملګرو ملتونو د عمومي منشي د ځانګړي استازي مرستیالې، جورجیت ګانیون، او د ملګرو ملتونو د بېړنیو مرستو هماهنګ کوونکی، ټام فلېچر، په افغانستان کې د بشري وضعیت په اړه خبرداری ورکړی.
د بې پولې خبریالانو سازمان پخپل یوه تازه راپور کې ویلي دي چې په افغانستان کې طالبانو تر واکمنۍ لاندې، رسنۍ او د رسنیو کارکوونکي تر سخت فشار لاندی دی.
ټاکل شوې چې سبا چهارشنبه، ډسمبر لسمه، د ملګرو ملتونو د امنیت شورا د افغانستان په اړه غونډه کوي چې په کې به د ملګرو ملتونو مرستندوی ماموریت (یوناما) د افغانستان د روان وضعیت په اړه خپل راپور وړاندې کړي.
د استرالیا حکومت د طالبانو په څلورو لوړپوړو غړو بندیزونه لګولي دي. د استرالیا د بهرنیو چارو وزارت د دې بندیزونو دلیل، په افغانستان کې د "ښځو ، نجونو، لږکیو او د خلکو په وړاندې ظلم" او په افغانستان کې د "ښه حکومتولۍ یا د قانون د حاکمیت کمزوري کول" ښودلی دی.
نور پورته کول
