د خوست د فوټبال په سیالیو کې ۱۲ لوبډلو برخه لرله چې شپږ یې د حکومتي ادارو او پاتې نورې یې د رسنیو لوبډلې وې. دغو سیالیو ته ( د خپل وطن، ګل وطن) نوم ورکړل شوی و.
د دغو سیالیو په پایلوبې کې د غرغښت راډیو لوبډلې د خوست د ولایتي شورا لوبډلې ته یو-صفر (۱-۰)ماتې ورکړه.
د سیالیو تنظیموونکي وایي د دغو لوبو هدف دا و چې ځوانان ورزش او مثبتو چارو ته وهڅوي او خوستیانو د تفریح زمینه برابره کړي.
دغه سیالۍ له تېرې شاوخوا یوې میاشتې راهېسې پیل شوې وې، چې د یکشنبې په ورځ خلاصې شوې.
د دغو سیالیو د وروستې لوبې ویډیو دلته وګورئ:
Your browser doesn’t support HTML5
په خوست کې د فوتبال سیالۍ