د پښتون تحفظ تحریک یوه مخکښه مشره ثتا اعجاز چې د تیرو څو کلونو نه د پښتنو د حقونو لپاره فعالیتونه کوي، وایي چې نامعلومه کسانو لخوا ورته د مرگ گواښونه شوي
د پي ټي ایم د ېوې مشرې ثنا اعجاز خلاف د مرگ گواښونو نه وروسته د بشري حقونو فعالانو په ټویټر او فیس بک د هغې سره خپل ملاتړ څرگند کړیدی او د حکومت نه یې د هغې د حفاظت غوښتنه کړیده.
ثنا اعجاز امریکاغږ ته وویل چې د هغې نه وروسته یې پولیسو ته د دغو گواښونو په اړه رپورټ ورکړ چې هغه یوه ورځ موټر کې روانه وه چې د یو بل موټر نه ورته سړي ټوپک ونیوه. ثنا وایي چې د هغې نه مخکې ورته په ټلفون داسي گواښونه کیده خو هغې به ځان نانگاره کاوه.
کله چې مونږ د ثنا نه وپوښتنه چې په چا شک لري نو هغې وویل "زما د هیچ چا سره هم شخصي دښمني نشته. زه د خپل قام د حقونو لپاره مبارزه کوم."
ثنا دا هم وايي چې د ارمان لوڼي د خور په وینا یې د دغو گواښونو په اړه پولیس خبر کړ او د نامعلومه کسانو خلاف یې خپله قضیه ثبت کړه.
د بشري حقونو فعالانو د ثنا د ملاتړ په خاطر په ټویټر یو هیش ټیگ پیل کړ چې "ثنا ته گواښونه مه کوئ."
د پښتون تحفظ یو مشر علي وزیر په خپل ټویټر ولیکل:
Threatening #sanaEjaz by securiety institutions are condemnable. If you did not change this habit; after Eid the intensity of the movement will double from multiple directions.#StopThreateningSannaEjaz #PashtunRejectStateTerrorism pic.twitter.com/gwam2yVUBV
— Ali Wazir (@Aliwazirna50) May 16, 2019
"د امنیتي ادارو لخوا د ثتا ځورول د غندلو وړ ده. که تاسو خپل عادت بدل نه کړ نو د اختر نه وروسته به مونږ تحریک د مختلفو خواوو نه دوچنده کړو."
په اسلام اباد کې میشته د حقونو فعاله سلمی جعفر د ثنا گواښل د ټولو پښتنو میرمنو گواښل وبلل. هغه لیکي:
This girl is a hope for all the pashtun women out there whoever threatens her threatens all of us. #StopThreateningSannaEjaz https://t.co/DUyr6ubS7F
— salma jafar (@Chiltan) May 16, 2019
"دا ښځه د ټولو پښتنو میرمنو لپاره هیله ده، څوک چې دا گواښوي، هغه مونږ ټول گواښوي."
د ټولنیزو رسنیو فعال محمد سلیم په خپل ټویټر ولیکل چې د تیرو لسو کلونو نه ثنا پیژني او دا ورته معلومه ده چې دا ډول اخطارونه هغه د خپلې مبارزې نه، نه شي منع کولی.
I know @sanaejaz2 since over a decade now. She always stood with the oppressed. She spoke for peace. Any protest in Peshawar demanding human rights & u will find her in the vanguard. You cannot stop her with ur online trolls, bogus ECLs, FIRs & threats #StopThreateningSannaEjaz
— Saleem (@memzarma) May 16, 2019
د حقونو فعالې او سیاستمدارې عصمت شاهجهان په خپلو دوستانو غږ وکړ چې د ثنا سره دې په دی سخت وخت کې ودریږي. هغه لیکي:
I stand with @sanaejaz2 and call upon all my comrades in struggle and democratic Pakistan to express solidarity with a peaceful pol. activist and participate in a campaign against life threats to her by unknown persons. #StopThreateningSannaEjaz #PashtunRejectStateTerrorism https://t.co/kPQe8X82Eh
— Ismat Raza Shahjahan (@ismatshahjehan) May 16, 2019
"زه په خپلو ټولو ملگرو او په دیموکراتیکه پاکستانیانو غږ کوم چې د نامعلومه کسانو لخوا ثنا ته د مرگ د گواښونو ضد دې د هغې ملگرتیا وکړي چې یوه سوله ایزه سیاسي فعاله ده."
په پاکستان کې د سیاسي او بشري حقونو فعالان اکثر تورونه لگوي چې د دغه ملک استخباراتي ادارې یې ځوروي خو ادارې دغه تورونه ردوي.