د ایټالیا په پلازمېنه روم کې د فیومیچینو هوايي ډګر کې د پنجشنبې په ورځ د نوامبر ۵مه له لیزبون او ډبلین څخه ورغلې دوې الوتکې د بم د احتمالي ګواښونو له امله وپلټل شوې. چارواکي وايي له پلټنې وروسته مسافرانو خپل سفر ته دوام ورکړ.
د فرانسې په بېلابېلو ښارونو، په ځانګړي ډول نانت او لیون، کې د پنجشنبې په ورځ د نوامبر ۵مه د ولسمشر ایمانویل مکرون د حکومت پر ضد پراخې مظاهرې وشوې.
د اسرائیل ولسمشر اسحاق هرتزوګ د چهارشنبې په ورځ په دغه هېواد کې د تېرې اوونۍ د ټاکنو تایید شوې پایلې ومنلې او ویې ویل چې د نوي حکومت د جوړولو لپاره به د سیاسي ګوندونو له استازو سره مشورې پیل کړي.
د جرمني د بهرنیو چارو وزیر د ایران پر سیمهییزو او اټومي فعالیتونو نیوکه کړې او ویلي یې دي چې د تهران چلند د نورو هېوادونو دفاعي غبرګون ته زمینه برابروي.
شمالي کوریا د امریکا هغه تورونه رد کړي چې ګواکې پیونګ یانګ د بایننس له کریپټو کرنسۍ تبادلې څخه د څه باندې شپږ میلیارد ډالرو په ارزښت د مجازي شتمنیو په غلا کې لاس لري.
د اوکراین او روسیې ترمنځ د سولې لپاه د ولسمشرډونالډ ټرمپ ځانګړي استازي، سټیف ویتکاف اعلان وکړ چې واشنګټن به د نومبر په ۱۰مه او ۱۱مه په ابوظبۍ کې د اوکراین او روسیې ترمنځ د کارپوهانو په کچه د خبرو اترو منځګړتوب وکړي.
په اسرائیل کې د تیرې اونۍ له پارلماني ټاکنو وروسته، ددغه هېواد ښي اړخه فعالینو د یکشنبې په ورځ (نومبر ۱) د یو احتمالي عرب-اسرائیلي ایتلافي حکومت د جوړېدو په خلاف لاریون وکړ.
د روسیې او اوکراین چارواکي وايي، هکرانو د دواړو هېوادونو د بېړنیو حالاتو د خبرتیاوو پر اپلېکېشنونو سایبري بریدونه کړي چې د خلکو ترمنځ د اندېښنې لامل شوی.
د امریکا د متحدو ایالتونو د جورجیا ایالت په اتلانتا ښار کې د نړۍ د شلو سترو اقتصادي هېوادونو (جي شل) د بهرنیو چارو د وزیرانو غونډه د جمعې په ورځ [اکټوبر ۳۰مه] د متحدو ایالتونو د بهرنیو چارو د وزیر مارکو روبیو په وینا پیل شوه.
د نړۍ د شلو سترو اقتصادونو یا(جي ۲۰) د بهرنیو چارو وزیران د جمعې او شنبې په ورځو د متحدو ایالتونو د جورجیا ایالت په مرکز اتلانتا کې غونډه کوي.
د هند د سوداګرۍ وزیر پیوش ګویال د پنجشنبې په ورځ (د اکتوبر ۲۹مه) وویل چې هند به له امریکا سره په سوداګریز تړون کې د خپلو بزګرانو پر ګټو جوړجاړی ونه کړي، او کله چې دا تړون نهایي شي، نو هند به یو پیاوړی امتیاز ولري.
د امریکا د جګړې وزیر پیټ هېګسېت وایي، واشنګټن چمتو دی چې د اسیا او ارام سمندر په سیمه کې له خپلو متحدینو او شریکانو سره دفاعي همکارۍ پیاوړې کړي. د نوموړي په وینا، دغه همکارۍ به د ګډو امنیتي ګټو او د هر هېواد د لومړیتوبونو پر بنسټ ولاړې وي.
نور پورته کول
